Agar tovar Tovarni qaytarish bo‘limidagi ko‘rsatmaga asosan rasmiylashtirilgan bo‘lsa, biz tovar qaytarilayotganda uni olib tekshirganimizdan so‘ng pullarni qaytaramiz.
Har bir tovar va yetkazib berish uchun pullar alohida qaytariladi. Buyurtma yoki uning bir qismi bekor qilinganida ushbu tovarlarda pulni qaytarish statusi shaxsiy kabinetdagi Buyurtmalar bo‘limida paydo bo‘ladi.
Agar siz tovarlarning bir qismidan voz kechgan bo‘lsangiz va qolgan tovarlar narxi bepul yetkazib berish uchun kerakli miqdordan past bo‘lsa, biz bekor qilingan tovarlar pulini qaytaramiz, ammo bu summadan yetkazib berish narxini chiqarib tashlaymiz.
Agar buyurtma yetkazib berishga topshirilganidan keyin uni bekor qilsangiz, yaxshi sifatdagi tovarni olishdan voz kechsangiz yoki uni keyin qaytarsangiz, pulli yetkazib berish to‘lovi qaytarilmaydi.
Siz buyurtmalar va qaytarilgan tovarlar bo‘yicha barcha operatsiyalar tarixini shaxsiy kabinetdagi Mablag‘lar balansi bo‘limida ko‘rishingiz mumkin.
Buyurtma bekor qilinganida pullarni qaytarish statusi #
Siz bekor qilingan tovarlar uchun pullarni qaytarish statusini Buyurtmalar bo‘limida ko‘rishingiz mumkin. Status 2 hafta ichida ko‘rsatiladi.
Statuslar va ularning ma’nosi #
- Pullar kartaga yuborilgan — pullar buyurtma uchun to‘lov qilingan kartaga yuborilgan. Odatda pullar 10 kun ichida hisobga tushadi. Agar pullar kartaga tushmasa,Mablag‘lar balansini tekshiring — pullar unga tushgan bo‘lishi mumkin.
- Pullarni qaytarish hali boshlanmagan — biz pullarni yuborishimiz bilan sizga bildirishnoma keladi. Odatda bu 3 kundan ko‘p vaqtni olmaydi.
- Pullarni qaytarishning iloji bo’lmadi — pullarni qaytarish bilan bog‘liq muammo yuzaga kelgan. Iltimos, chatimizga yozing.
Buyurtma bekor qilinganidan keyin pullar qachon qaytariladi #
Buyurtmaga 6 soatdan kam vaqt oldin to’lov qilingan #
Buyurtma to‘langanidan keyin pullar darhol yechilmaydi, ular 6 soatgacha kartada bloklanib turadi. Buyurtma yoki uning bir qismi bekor qilinganida, biz bankga bekor qilish haqida ma’lumot va bekor qilingan tovarlar summasiga teng bo‘lgan summani blokdan chiqarish so‘rovini yuboramiz.
Odatda bank pulni blokdan chiqarish haqida bildirishnoma yubormaydi va bankning shaxsiy kabinetida alohida operatsiya mavjud emas:
- Butun buyurtma bekor qilinganida u uchun pul yechilgani operatsiyalar tarixidan yo‘qoladi.
- Tovarlarning bir qismi bekor qilinganida bekor qilingan tovarlar summasi buyurtma summasidan olib tashlanadi.
Pullarni bloklash va blokdan chiqarish haqida batafsil ma’lumotni bankingizning qo‘llab-quvvatlash markazidan bilib olishingiz mumkin.
Buyurtmaga to‘lov qilinganiga 6 soatdan oshdi #
Buyurtmaga to‘lov qilganingizdan 6 soat o‘tib biz kartadan pulni yechish uchun so‘rov yuboramiz. Buyurtma bekor qilinganidan keyin biz ularni 72 soat ichida qaytarib yuboramiz.
Pullar hisobingizga 10 kun ichida tushadi. Pulni qaytarish muddati bank va to‘lov tizimiga bog‘liq. Bankning shaxsiy kabinetida pulni qaytarish operatsiyasi ko‘rinadi.
Agar oradan 10 kun o‘tgan bo‘lsa ham pullar qaytmagan bo‘lsa, bankingizdan ko‘chirma so‘rang va u bilan birga Ozon qo‘llab-quvvatlash xizmatiga murojaat qiling.
Tovarni qaytargandan so‘ng pullar qachon qaytarib beriladi? #
Qaytarilayotgan tovarni tekshirish va qabul qilib olish #
Pullarni qaytarib berishdan oldin biz tovarni tekshirishimiz kerak.
| Qaytarish usuli | Tekshirish muddati |
|---|---|
| Buyurtmalarni berish punktida | Odatda buyurtmalarni berish punkti xodimi tovarni darhol tekshiradi, ammo ba’zan 10 kun davomida qo‘shimcha tekshiruv talab etilishi mumkin. |
| Hamkor yoki sotuvchi tomonidan yetkazib berilgan tovar | Qaytarilayotgan tovar sotuvchining omboriga yetkazilgach, u tovarlarni tekshiradi va 7 kun ichida pulni qaytarish to‘g‘risida qaror qabul qiladi. Qaytarilayotgan tovar yuborilganidan so‘ng, siz tovar sotuvchining omboriga kelib tushishini yetkazib berish xizmatining trek-raqami orqali kuzatishingiz mumkin. |
| Tovar Ozon hamkori tomonidan yetkazib berilgan | Qaytarilayotgan tovarni yuborganingizdan so‘ng, u ko‘rsatilgan manzilga keladi va keyin omborga jo‘naydi. Omborda biz tovarlarni tekshiramiz va 10 kun ichida pulni qaytarish to‘g‘risida qaror qabul qilamiz. Qaytarilayotgan tovar yuborilganidan so‘ng, siz uning Ozon omboriga yetib borishini yetkazib berish xizmatining trek-raqami orqali kuzatishingiz mumkin. |
Agar ko‘proq vaqt talab qilinsa yoki tovarni qaytarib bo‘lmasligi aniqlansa, bu haqda ma’lumot Qaytarilgan tovarlar bo‘limidagi ariza statusida paydo bo‘ladi.
Pullarni qaytarish #
Agar tovarni qaytarish arizasi tasdiqlansa, biz 10 kun ichida sizga pullarni yuboramiz va bu haqida bildirishnoma jo‘natamiz. Pulni qaytarish muddati bank va to‘lov tizimiga bog‘liq. Agar oradan 10 kun o‘tgan bo‘lsa ham pullar qaytmagan bo‘lsa, bankingizdan ko‘chirmani so‘rang va u bilan birga Ozon qo‘llab-quvvatlash xizmatiga murojaat qiling.
Agar tovar sifati quyidagi holatlarga muvofiq yomon bo‘lsa, biz tovarni yetkazib berish narxini qoplab beramiz:
- qalbaki bo‘lib chiqsa;
- ta’rifga mos bo‘lmasa yoki noto‘g‘ri tovar olib kelingan bo‘lsa;
- yaroqlilik muddati tugagan yoki ishlatilgan bo‘lsa;
- tovarga zarar yetgan bo‘lsa yoki tashqi nuqsonlari bo‘lsa;
- detallar yoki komplekt qismlari yetmayotgan bo‘lsa;
- ishlamasa yoki yomon ishlasa.
Agar siz yaxshi sifatdagi tovarni qaytarsangiz, biz sizga tovar narxini qoplab beramiz, ammo yetkazib berish narxini qoplamaymiz. Masalan, tovar o‘lchami sizga mos kelmagan bo‘lsa.
Pullar qayerga qaytariladi #
| To‘lash usullari | Pullar qayerga qaytariladi? | Izohlar |
|---|---|---|
| O‘zbekiston bank kartasi bilan | Buyurtma uchun to‘lov qilingan kartaga. Agar pullar kartaga qaytmagan bo‘lsa, Mablag‘lar balansini tekshiring. | Buyurtma bekor qilinganidan yoki tovar qaytarilganidan so‘ng 10 kun ichida biz pullarni kartangizga yuboramiz. Pulni qaytarish muddati bank va to‘lov tizimiga bog‘liq. |
| Rossiya bank kartasi bilan | Buyurtma uchun to‘lov qilingan kartaga | Buyurtma bekor qilinganidan yoki tovar qaytarilganidan so‘ng 10 kun ichida biz pullarni kartangizga yuboramiz. Pulni qaytarish muddati bank va to‘lov tizimiga bog‘liq. |
| Boshqa istalgan mamlakat bank kartasi bilan | Buyurtma uchun to‘lov qilingan kartaga | Buyurtma bekor qilinganidan yoki tovar qaytarilganidan so‘ng 10 kun ichida biz pullarni kartangizga yuboramiz. Pulni qaytarish muddati bank va to‘lov tizimiga bog‘liq. |
| Mablag‘lar balansidan | Mablag‘lar balansiga | Pullar mablag‘lar balansingizga bir kun ichida kelib tushadi. Mablag‘lar balansi haqida batafsil |
Agar texnik tomondan pul mablag‘larini buyurtma uchun to‘lov qilingan kartaga qaytarishning imkoni bo‘lmasa, ular Mablag‘lar balansiga tushishi mumkin.
Mablag‘lar balansi haqida batafsil
Agar karta yoki hisob raqami bloklangan bo‘lsa #
Pullar 10 kun ichida mablag‘lar balansiga tushadi. Agar bunday bo‘lmasa, bankdan ko‘chirma oling va bundan so‘ng chatimizga yozing.
Ko‘chirma qanday ko‘rinishda bo‘ladi?
Savollaringiz bo‘lsa, chatimizga yozing.