Жеткізу мерзімдері мен түрлері #
Тапсырысты рәсімдеу кезінде немесе жеке кабинеттегі тапсырыс бетінде болжамды жеткізу мерзімін білуге болады. Жеткізу мерзімдеріне қабылдаушы немесе жөнелтуші елдегі мереке күндері, кедендік рәсімдер немесе күтпеген жағдайлар әсер етуі мүмкін. Ozon барлық жағдайларды ескере отырып, жеткізу мерзімін көрсетеді, бірақ кейде кешігулер болуы мүмкін.
Сатушы өзі жұмыс істейтін тасымалдау компанияларын таңдайды.
Тауарды қоймада қаптау 10 күнтізбелік күнге дейін созылуы мүмкін.
Қазпошта #
Егер сатушы тапсырысты пошта арқылы жіберсе, оны Қазпошта жеткізеді.
Тапсырысты қалай бақылаймыз:
- Жеке кабинеттегі тапсырыс бетінде.
- Трек-нөмір арқылы Қазпошта сайтында немесе тапсырыс бетінде сілтеме арқылы. Сатушы трек-нөмірді жіберілгеннен кейін тапсырыс бетіне қосады.
Тапсырысты алу. Тапсырысыңыз «ОПС-ке жеткізілді», мәртебесіне өткенде, оны Қазпошта бөлімшесінен келесі тәсілдердің бірімен ала аласыз:
- Хабарлама бойынша. Алу үшін жеке куәлік қажет.
- Цифрлық жеке куәлік арқылы.
Сәлемдеменің сыртқы мұқабасына назар аударыңыз. Егер ол бүлінген болса, пошта бөлімшесінің қызметкерінен сіздің қатысуыңызда оны ашып, заттың бүлінуі туралы акт толтыруын сұраңыз. Сәлемдеменің салмағы пошта құжаттарында және тапсырыс бетінде көрсетілген салмаққа сәйкес келуі керек.
Сақтау мерзімі. Тапсырыс 15-30 күн аралығында сақталады. 15-күннен бастап сақтау қызметі ақылы болады, яғни күніне 300 теңге. Егер сіз оны уақытылы алмасаңыз немесе қосымша сақтау қызметін төлемесеңіз, тапсырыс жөнелту еліне қайтарылады немесе кәдеге жаратылады.
Tezber #
Тапсырысты жеке кабинеттегі тапсырыс бетінде бақылауға болады.
Тапсырысты алу. Тапсырыс алу пунктіне түскен кезде сізге СМС-хабарлама жіберіледі. Tezber тапсырысты алу пунктінен тапсырысты алыңыз. Қызметкерге тапсырыс туралы ақпаратта көрсетілген трек-нөмірді хабарлаңыз.
Сәлемдеменің сыртқы мұқабасына назар аударыңыз. Қаптаманы ашпай тұрып қана тапсырыстан бас тартуға болады.
Сақтау мерзімі. Тапсырыс 15 күнге дейін сақталады. Сақтау мерзімін ұзарту үшін СМС-хабарламада көрсетілген нөмір арқылы тасымалдау компаниясына хабарласа аласыз.
Егер сіз қабылдау кезінде қаптаманы ашсаңыз, тауардан бас тарту мүмкін емес. Қайтару өтінімін жеке кабинетте рәсімдесеңіз болады.
Тапсырысты бақылау #
Жөнелтілгеннен кейін, тіпті трек-нөмір тағайындалған болса да, тапсырыс бірден бақыланбай қалуы мүмкін.
Жеткізудің кез келген кезеңінде мәртебе 25 күнге дейін жаңартылмауы мүмкін, яғни бұл халықаралық жеткізу кезінде, мысалы, кедендік рәсімдер немесе шекарадан өту кезінде орын алады. Егер тапсырыс мәртебесі 25 күннен артық жаңартылмаса, бізге чатқа жазыңыз.
Егер жеткізу кезінде кідірістер орын алса, тасымалдаушы бұл туралы Ozon қосымшасында хабарлайды, яғни біз сізбен байланысамыз.
Егер тапсырыс келмесе, Ozon оны болдырмай, сізге тауардың толық сомасын қайтарады.